იაპონიის პრემიერ-მინისტრი ნაოტო კანი სამხრეთ კურილის კუნძულების პრობლემის ადვილად გადაწყვეტის პერსპექტივას ვერ ხედავს.
ამის შესახებ "იტარ-ტასი" იუწყება.
"ეს არ არის, ის რომ პრობლემა მოლაპარაკების ერთი რაუნდით, ერთი შეხვედრით მოგვარდეს. აუცილებელია შეიცვალოს სტრატეგია და მთელი ძალისხმევა მიიმართოს კუნძულების დაბრუნებაზე", - აღნიშნა მან, თუმცა არ დააკონკრეტა, როგორ აპირებს აღნიშნული პრობლემის მოგვრებასთან დაკავშირებით მოსკოვთან სტრატეგიის შეცვლას.
შეგახსენებთ, რომ დიმიტრი მედვედევის თანაშემწემ სერგეი პრიხოდკომ განაცხადა, რომ რუსეთის პრეზიდენტი კურილიის კუნძულებზე გამგზავრებას კვლავ აპირებს. მოგვიანებით მედვედევის ეს განზრახვა რუსეთის საგარეო საქმეთა სამინისტრომაც დაადასტურა და კიდევ ერთხელ განაცხადა, რომ რუსეთის პრეზიდენტი არავის უთანხმებს თუ რუსეთის რომელი რეგიონი მოინახულოს.
მედვედევის მიერ კურილიის კუნძულების მონახულების ფაქტმა 1 ნოემბერს იაპონიის განაწყენება უკვე დაიმსახურა. იაპონიამ მოსკოვიდან თავისი ელჩი უკვე გაიწვია და ჯერ ჯერობით უპასუხოდაა დარჩენილი კითხვა როდის დაბრუნდება იგი უკან. იაპონიამ ასევე კითხვის ნიშნის ქვეშ დააყენა იაპონიის პრემიერ-მინისტრისა და რუსეთის პრეზიდენტის მოსალოდნელი შეხვედრა.
