"ყველამ იცის, რომ ერთ-ორ დღეში მიინავლება ასეთი ტიპის პროტესტი, "ქართული ოცნება" მშვიდად არის და ხდება რაღაც ემოციების ამოფრქვევა, რომელიც საბოლოო ჯამში, ნებისმიერ პროტესტს ანადგურებს", - აცხადებს "საზოგადოებრივი მაუწყებლის" ეთერში "გირჩის" ერთ-ერთმა ლიდერმა, იაგო ხვიჩია.
ხვიჩიას განცხადებით, ერთადერთი მესიჯი, რაც ოპოზიციისგან მოდის, არის – ჩვენ გვინდა ხელისუფლებაში მოსვლა.
"ოპოზიციამ უნდა თქვას, რა უნდა, დაფაზე უნდა ჩამოვწეროთ, რა გვინდა – ეს, ეს, ეს. იმიტომ, რომ ერთადერთი მესიჯი, რაც ოპოზიციისგან მოდის, არის – ჩვენ გვინდა ხელისუფლებაში მოსვლა, მაგრამ იმაზე არავინ ლაპარაკობს, რა შეიცვალა მას შემდეგ, რაც ხელისუფლებაში ვიყავით, ან რა შეიცვლება, არსებული ხელისუფლებიდან ახალი რა იქნება და არის მხოლოდ ემოციების ომი. ეს ემოციების ომი იმდენად გახუნდა. ყველამ იცის, რომ ერთ-ორ დღეში მიინავლება ასეთი ტიპის პროტესტი. "ქართული ოცნება" მშვიდად არის და ხდება რაღაც ემოციების ამოფრქვევა, რომელიც საბოლოო ჯამში, ნებისმიერ პროტესტს ანადგურებს", - განაცხადა ხვიჩიამ.
