პრემიერ-მინისტრი გამოვიდა და განაცხადა, რომ პოლიციის რესურსი არ არის უსასრულო და თუკი ორი ჯგუფი ამ დონის აგრესიით ერთმანეთს შეეტაკება, ჩვენ შესაძლოა რაღაცეებს ვერ გავწვდეთ და მოდით თქვენი გამოხატვის თავისუფლების ადგილი არა რუსთაველი, არამედ სხვა ადგილი იყოს, - ამის შესახებ ვიცე-პრემიერმა, თეა წულუკიანმა „ქრონიკაში“ განაცხადა.
მისი თქმით, ყველაფერს გააკეთებენ იმისთვის, რომ ეს ქვეყანა განვითარდეს, სტაბილურობა გაგრძელდეს.
„როდესაც ამას არ გაიგონებენ ოპოზიციური პოლიტიკური პარტიები და კიევში მჯდომი მაწანწალა პოლიტიკოსი, რომელიც დღემდე ურევს ქვეყანას. მოვისმენთ ბრალდებებს, რომ „ქართულმა ოცნებამ“ რატომ არ ჩაყარა ყველა ციხეში, რატომ არ მოგვაშორა ეს ფურუმკულები და ა. შ. როგორც ჩვენი ამომრჩევლები გველაპარაკებიან და ასე გველაპარაკებიან. კი ბატონო, ამას მოვისმენთ, მაგრამ ჩვენ ასევე ვხედავთ იმას, რომ „ქართული ოცნების“ მიერ გადადგმული ნებისმიერი ნაბიჯი სამართლიანობის აღდგენისკენ, იყო ძალიან დიდი ქარტეხილისა და კრიტიკის საგანი და შეიძლება საჯაროდაც ვერ ისაუბრო ადამიანმა, მით უფრო, როდესაც ამდენი წელია მთავრობაში ხარ. ბევრი რამ გსმენია და ბევრი გაქვს ნანახი, რაც ითქმის და რაც არ ითქმის, მაგრამ ერთ რამეში მინდა ყველა დაგარწმუნოთ, რომ „ქართული ოცნების“ ხელისუფლების სხვადასხვა შემადგენლობამ ყველა ღონეს მიმართა ყოველდღიური შრომის პირობებში, რომ ქვეყანაში არ ამტყდარიყო ომი, არ ამტყდარიყო სამოქალაქო დაპირისპირება, რომ ყოფილიყო სტაბილურობა და განვითარებულიყო ქვეყანა. ჩვენ ყველაფერს გავაკეთებთ იმისთვის, რომ ეს ქვეყანა განვითარდეს, სტაბილურობა გაგრძელდეს, მაგრამ ამაში, რა თქმა უნდა მედიამაც უნდა მიიღოს მონაწილეობა“, - განაცხადა თეა წულუკიანმა.
