სტატიის ავტორის იზაბელ ლასერის მტკიცებით აღმოსავლეთში ცივი ომი ჯერ არ დასრულებულა, ხოლო ქართული კონტრდაზვერვისთვის რუსეთის 13 ჯაშუშის დაკავება წარმატებული ნაბიჯია.

"ამ მომენტისთვის მხოლოდ 13 ადამიანია დაპატიმრებული: ოთხი რუსი და ცხრა ქართველი. ყველა მათგანს ბრალად ედება რუსეთის სამხედრო დაზვერვის სამსახურის „გრუ"-სთვის საქართველოს შეიარაღებულ ძალებთან დაკავშირებული ინფორმაციის მიწოდება. დანარჩენებზე, რომლებიც ქართული უსაფრთხოებისთვის როგორც ჩანს „სასიცოცხლოდ" მნიშვნელოვანი ინფორმაციის მატარებლები არ არიან, თვალთვალი გრძელდება. შინაგან საქმეთა სამინისტრო ამტკიცებს, რომ ათობით აგენტის ვინაობა დადგენილია. თბილისისთვის ეს კონტრდაზვერვის სამსახურის წარმატებული საქმიანობის გაგრძელებაა, რაც სათავეს 2006 წლიდან იღებს. მაშინ საქართველოს ხელისუფლებამ, თანამშრომლობის სანაცვლოდ, რუსეთის სამსახურში მყოფ აგენტებს ამნისტია შესთავაზა. „ბევრი ამ წინადადებას დათანხმდა. მათგან ორი „გრუ"-სთვის მუშაობდა", - ამბობს საქმეში გარკვეული პირი. მას შემდეგ ქართველებმა ქსელში შეაღწიეს და გადმობირებული აგენტების საშუალებით, გზავნილების გაშიფვრისთვის აუცილებელი კოდები მოიპოვეს", - განმარტავს ლარესი.

ლარესი წერს, რომ გამოძიებისთვის, ამ ახალ ჯაშუშურ საქმეს სხვა დატვირთვა აქვს. „ბალტიისპირეთის ქვეყნების გარდა, საქართველო ერთადერთი პოსტ-საბჭოთა სახელმწიფოა, რომელმაც მთლიანად ამხილა „კაგებეს" საქმიანობა და აბსოლუტურად დამოუკიდებელი ქვეყანა ააშენა, სადაც რუსეთის სპეცამსახურები ვერ აღწევენ. ვლადიმერ პუტინისთვის ეს მიუღებელია. მთავარი მიზანი, ისეთი სახელმწიფოს შექმნაა, რომელიც თავისუფალია პოსტ-საბჭოთა რუსეთის გავლენისგან", - წერს ლარესი საქმეში გარკვეული პირის ინფორმაციას.

"რუსეთი ჯაშუშების ახალ საქმეზე „განრისხდა" და მას „პოლიტიკური ფარსი" და ნატოს 19-20 ნოემბრის სამიტის წინ საგანგებოდ აგორებული „სკანდალი" უწოდა", - აღნიშნავს "ნატოს სამიტამდე ორი კვირით ადრე, რუსეთის აგენტები დაპატიმრებულები არიან", - წერს ფრანგული გაზეთი Le Figaro.