„არ უნდა გვქონდეს იმის იმედი, რომ "ქართულ ოცნებას" რაიმე ხედვა გააჩნია და სჭირდება ფუნდამენტური ცვლილება ამ ქვეყანაში", აცხადებს "ლელოს" ლიდერი მამუკა ხაზარაძე.
მისი თქმით, "ქართულ ოცნებას" ყველგან კონტროლირებადი ხალხი სჭირდება. ხაზარაძე მიიჩნევს, ვაკანტურ პოსტზე ცესკო-ს მოქმედი თანამშრომლების კანდიდატურების წარდგენა მოუთითებს, რომ "ქართული ოცნება" ცდილობს შერჩიოს ადამიანები, რომლებიც მათ მოემსახურებიან.
"მათ ერთადერთი რამ სჭირდებათ, რომ ყავდეთ თავისი კონტროლირებადი ხალხი ყველგან, თვითონ ის ფაქტი, რომ ცესკო-დან 2 თანამშრომელია კონკურსში მონაწილე და სწრაფად და ფორსირებულად მიდის მათი არჩევის პროცესი, მიუთითებს იმას, რომ "ქართულ ოცნებას" არ სჭირდება სერიოზული რეფორმა და სჭირდება ხალხი, რომელიც მათ მოსამსახურება,"- განაცხადა ხაზარაძემ.