არ მახსენდება თუ ოდესმე მომხდარა ასეთი მასობრივი ძალადობა გამიზნულად ჟურნალისტების მიმართ. ეს წარმოუდგენელი და მიუღებელია - ამის შესახებ „იმედის ფაქტორში“ საპარლამენტო უმრავლესობის წევრმა, შალვა პაპუაშვილმა განაცხადა.
მისი თქმით, ყველამ დაინახა პოლიცია როგორ გმირულად იბრძოდა, რომ გაერიდებინა ჟურნალისტები.
„არ მახსენდება თუ ოდესმე მომხდარა ასეთი მასობრივი ძალადობა გამიზნულად ჟურნალისტების მიმართ. ეს წარმოუდგენელი და მიუღებელია ყველანაირად. სპონტანური იყო ეს ძალადობა და მოულოდნელი იყო პოლიციისთვისაც, რადგან ეს რამდენიმე ლოკაციაზე ხდებოდა. ამ ყველაფერს შსს აანალიზებს და წარმოადგენს საკუთარ ანალიზს, როგორ მიმდინარეობდა გუშინდელი დღე. დილით შეიკრიბნენ ერთი აქციის მონაწილეები და იქ არაფერი მოასწავებდა, რომ შეიძლებოდა აგრესია ყოფილიყო, არ იყო ორ ჯგუფს შორის დაპირისპირების რაიმე საფრთხე. ჩვენ ვნახეთ გუშინდელი კადრები, პოლიცია როგორ გმირულად იბრძოდა, რომ გაერიდებინა ჟურნალისტები“, - განაცხადა შალვა პაპუაშვილმა.
