პარლამენტის წევრი, პარტია "კანონი და სამართლის ლიდერი, თაკო ჩარკვიანი დღეს ძალადობრივი ჯგუფების მიერ განხორიელებულ ქმედებებსა და ჟურნალისტებზე თავდასხმებს ეხმაურება.
თაკო ჩარკვიანი ძალადობრივ ქმედებებზე პასუხისმგებლობას პრემიერ-მინისტრ ირაკლი ღარიბაშვილს აკისრებს და ოპოზიციონერ კოლეგებს მოუწოდებს, დატოვონ პარლამენტი.
"ოპოზიციას მივმართავ! ეს თუ არ შეჩერდა, დავტოვოთ პარლამენტი !!!ეს საკანონმდებლო ორგანო არ არის! საკანონმდებელო "ორგანო" არა!", - წერს ჩარკვიანი სოციალურ ქსელში.
ამასთან, ოპოზიციონერი პოლიტიკოსი მიმართავს დიპლომატიური კორპუსის წარმომადგენლებს და მოუწოდებს საქართველო არ მიატოვონ.
"დეპუტატი თამარ ჩარკვიანი მოგმართავთ დასავლელ პარტნიორებს, მეგობარი ქვეყნის ელჩებს! ბატონებო მეგობრებო! ეს არის რუსეთის ინტერესებზე მომუშავე საქართველოს ხელისუფლების მიერ ხელოვნურად წახალისებული საქართველოს სახელმწიფოს მიმართ - წინააღმდეგ რუსეთის მიერ მართული პროვოკაცია, რადგან მოსახლეობის აზრი გაცხადებულია - ორჯერ რეფერენდუმით საქართველოს მოსახლეობას გაცხადებული აქვს - არჩევანია დასავლური კურსი. ახლა ხელოვნურად აჩვენებენ დასავლეთს - ეს ხელისუფლება მათ მიერ წახალისებული ჯგუფებით, რომ თითქოს საქართველო არ არის მზად ნატოში ინტეგრირებისთვის. ლგბტ თემა ხელოვნურად არის გამოყენებული, კონსტიტუციით მინიჭებული უფლებით ყველას (ორივე მხარეს) აქვთ უფლება აზრის და პოზიციის გამოხატვისა, მაგრამ არა ამ კრიმინალური ფორმით, რომელსაც ხელისუფლება ახალისებს!!! ეს გეგმაა და მცდელობა საქართველოს რუსეთზე გადაბარებისა! უმორჩილესად გთხოვთ მეგობარ ელჩებს, დიპლომატიურ კორპუსს (მე მისაუბრია თქვენთან ამ მოსალოდნელ საშიშროებაზე - რუსეთის მიერ მართული პროცესის საშიშროებაზე). დიახ, უმორჩილესად გთხოვთ მეგობრებო, არ მიატოვოთ თქვენი მეგობარი საქართველო, ის კარგი პარტნიორი იქნება მსოფლიო მეგობრობისთვის!", - აცხადებს თაკო ჩარკვიანი.
