აზერბაიჯანში მეოთხე მოწვევის პარლამენტის _ მილი მეჯლისის არჩევნები ტარდება. ხმის მიცემის პროცესი მთელ ტერიტორიაზე 08:00 საათზე, აზერბაიჯანის სახელმწიფო ჰიმნის შესრულების შემდეგ დაიწყო.
ქვეყნის ცესკო-ს თავმჯდომარის, მაზახარ პანახოვის განცხადებით, 125 საარჩევნო ოლქის 5314 საარჩენო უბანში ყველა პირობაა შექმნილი არჩევნების მაღალ დონეზე ჩასატარებლად.
ქვეყანაში აღრიცხულია 4 მილიონ 900 ასამდე ამომრჩეველი. ამომრჩევლებს, რომლებიც შეყვანილნი არ არიან საარჩევნიო სიებში, ხმის მიცემის შეაძლებლობა აქვთ კანონით დადგენილი წესის თანახმად, საარჩევნო უბნებზე საცხოვრებელი ადგილის მიხედვით.
პარლამენტში მოსახვედრად 690 კანდიდატი იბრძვის.
არჩევნებს 46639 ადგილობრივი და 1029 საერთაშორისო დამკვირებელი აკვირდება.
ცეკოში აკრედიტებულია 18 უცხოური მედიასაშუალების 43 წარმომადგენელი. ადგილობრივ მედიას არჩევნების პროცესის გასაშუქებლად აკრედიტაცია არ სჭირდება.
500 საარჩევბო უბანზე, რაც საარჩევნო უბნების 10%-ს შეადგენს საარჩევნო პროცესის მიმდინარეობის დაკვირვება შესაძლებელია პირდაპირ ეთერში, უბნებში დამონტაჟებული ვიდეო კამერების მეშვეობით.
მაზახარ პანახოვის განცხადებით ნებისმიერი ქვეყნისთვის, რომელსაც სურვილი აქვს ააშენოს დემოკრატიული სახელმწიფო, განჭვირვალედ ჩატარებულ არჩევნებს ალტერნატივეა არ გააჩნია.
