კიბერუსაფრთხოების კომპანიის განცხადებით, 200-მდე ამერიკული კომპანიის ვებგვერდზე მასშტაბური კიბერთავდასხმა განხორციელდა.
როგორც Huntress Labs-ი აცხადებს, ჰაკერების სამიზნე იყო ფლორიდაში დაფუძნებული ინფორმაციული ტექნოლოგიების (IT) კომპანია Kaseya, რომლის პროგრამულ უზრუნველოფას ასეულობით ბიზნესი იყენებს.
კიბერთავდასხმასთან დაკავშირებით განცხადება გაავრცელა Kaseya-მაც, რომელმაც აღნიშნა, რომ იძიებს კიბერშეტევას.
Kaseya-ს თქმით, მისი ერთ-ერთი პროგრამა, რომელიც მუშაობს კორპორაციულ სერვერებზე, დესკტოპ კომპიუტერებსა და ქსელურ მოწყობილობებზე, შესაძლოა შეტევის დროს კომპრომეტირებულ იქნა.
კომპანიამ მოუწოდა მომხმარებლებს, გამოიყენონს VSA ინსტრუმენტი და დაუყოვნებლივ გათიშონ სერვერები.
კონკრეტულად რომელი კომპანიები დაზარალდნენ უცნობია.
Huntress Labs-ი ვარაუდობს, რომ მასშტაბური კიბერთავდასხმის უკან რუსეთთან დაკავშირებული ჰაკერების დაჯგუფება REvil-ი დგას.
REvil-ი, ასევე ცნობილი როგორც Sodinokibi, მსოფლიოში ერთ-ერთი ყველაზე ცნობილი კრიმინალური ჰაკერული დაჯგუფებაა.
ცოტა ხნით ადრე, აშშ-ის გამოძიების ფედერალურმა ბიურომ (FBI) სწორედ REvil-ი დაადანაშაულა მსოფლიოს უდიდესი ხორცის მიმწოდებელი კომპანიის, JBS-ის სერვერებზე კიბერთავდასხმაში.
შეერთებული შტატების კიბერუსაფრთხოებისა და ინფრასტრუქტურის ფედერალური სააგენტოს განცხადებით, კიბერთავდასხმის საპასუხოდ მიღებულია შესაბამისი ზომები.
კიბერშეტევა პარასკევს, შუა დღისით დაიწყო.
