უკრაინის შეიარაღებული ძალების გენერალურმა შტაბმა დაადასტურა, რომ რუსეთის როსტოვის ოლქში, საწარმო „კამენსკის კომბინატზე“ იერიშის შედეგად ასაფეთქებელი ნივთიერებებისა და დენთის მწარმოებელი ორი საწარმო განადგურდა, კიდევ ოთხი კი დაზიანდა.
უკრაინის თავდაცვის ძალებმა რუსეთის სამხედრო-სამრეწველო კომპლექსის საწარმოს, ქალაქ კამენსკ-შახტინსკში, 16 აგვისტოს ღამით დაარტყეს.
„კამენსკის კომბინატი“ რუსეთის სამხედრო-სამრეწველო კომპლექსის საწარმოა, რომელიც „ურაგანის“, „სმერჩისა“ და „ტორნადოს“ ზალპური ცეცხლის სისტემების საბრძოლო მასალებისთვის მყარ სარაკეტო საწვავს, ასევე სხვადასხვა სარაკეტო სისტემებისა და საავიაციო საშუალებების საბრძოლო მასალებისთვის განკუთვნილ პროდუქციას აწარმოებს.
