თბილისიდან სტამბულის მიმართულებით ავიარეისები არ შესრულდა. როგორც "ჯი-ეიჩ-ენს" ავიაკომპანია "პეგასუს"-ის წარმომადგენლობაში განუცხადეს, რეისის მოსხნის მიზეზი სტამბულში ამინდის გაუარესებაა. მათი თქმით, ძლიერი ნისლი გამო, თურქეთის აეროპორტი თვითმფრინავების მიღებას ვერ ახერხებს. ამავე მიზეზით, რეისი გააუქმა "თურქიშ ეარლაინმა", თუმცა მათ თავიანთი მგზართა ნაწილის გადაყვანა სხვადასვხა ავიაკომპანიის საშუალებით შეძლეს.
არც ერთი კომპანიის ოფიციალური ვებგვერდი რეისების მოხსნის მიზეზების შესახებ ინფორმაციას არ აქვეყნებს. აღსანიშნავია ისიც, რომ თურქეთიდან საქართველოს გარდა, არც ერთ ქვეყანაში არც ერთი რეისი არ გაუქმებულა.
აეროპორტში განთავსებულ "პეგასუს" წარმომადგენლობასთან 100-მდე მგზავრის უკმაყოფილება მათი მოთხოვნების შეუსრულებლობამ გამოიწვია. ისინი ითხოვდნენ, ავიაკომპანიას ევროპის სხვადსხვა ქალაქებში სხვა ავიაკომპანიის საშუალებით გადაეყვანა, თუმცა ავიაკომპანიის წარმომადგენლობაში ამაზე უარი განუცხადეს.
ავიაკომპანიის წარმომადგენლობამ პასუხისმგებლობა მთლიანად მოიხსნა იმ მგზავრების წინაშე, რომელთაც ავიაბილეთები ონლაინგადახდის მეშვებით შეიძინეს. მათ არც თანხა დაუბრუნეს და კონკრეტული პასუხიც ვერ გასცეს.
როგორც "ჯი-ეიჩ-ენს" "პეგასუს"-ის წარმომადგენლობაში განუცხადეს, მათ ვინც ბილეთები ონლაინგადახდის მეშვებით შეიძინა, უნდა დაუკავშირდნენ სათავო ოფისს, რომელიც განთავსებულია თურქეთში.