შავი ზღვის უკრაინის აკვატორიაში მიმდინარე მასშტაბური სამხედრო წვრთნების Sea Breeze 2021-ს პარალელურად, რუსეთის საზღვაო ფლოტმა შავ ზღვაში სახმედრო სწავლება გამართა.
რუსეთის თავდაცვის სამინისტროს ცნობით, სამხედრო-საზღვაო სწავლება საბრძოლო გასროლებით გაიმართა.
სამინისტროს ინფორმაციით, რუსეთის შავი ზღვის ფლოტის სადესანტო ხომალდების "ორსკის" და "სარატოვის" ეკიპაჟებმა ზღვაში საარტილერიო ცეცხლი, პირობითი საზღვაო და საჰაერო სამიზნეების მიმართულებით, გახსნეს.
სწავლების ფარგლებში, სადესანტო ხომალდებმა ცეცხლი გაუხსნეს მცურავ მაკეტებს. სწავლებაში ასევე მონაწილეობდნენ ვერტმფრენები და წყალქვეშა ნავი.
რუსეთის სამხედრო მანევრების კვალდაკვალ, შავ ზღვაში უკრაინისა და შეერთებული შტატების ორგანიზებით სამხედრო წვრთნები Sea Breeze 2021 მიმდინარეობს.
