თამარ ჟვანია პირველი ივლისიდან ცესკოს თავმჯდომარე აღარ იქნება. აღნიშნულთან დაკავშირებით თამარ ჟვანიამ განცხადება სოციალურ ქსელ “ფეისბუქში” მის ოფიციალურ გვერდზე გაავრცელა, სადაც გადაწყვეტილების მიზეზებზე და სამომავლო გეგმებზე ისაუბრა.
ცესკოს თავმჯდომარის გადაწყვეტილებასთან დაკავშირებით დღეს ცენტრალურ საარჩევნო კომისიაში ბრიფინგი გაიმართა. ცესკოს სპიკერმა ნათია იოსელიანმა თამარ ჟვანიას საარჩევნო ადმინისტრაციის სახელით მადლობა გადაუხადა იმ თავდაუზოგავი შრომისთვის, რაც მან უწყებაში მუშაობის 8 წლის განმავლობაში გასწია და სამომავლო საქმიანობაში წარმატებები უსურვა.
„ამ ხნის განმავლობაში იყო არაერთი სირთულე, არაერთი გამოწვევა, მაგრამ ჩვენ ყველამ ერთად შევძელით და გადავლახეთ აღნიშნული პრობლემები. ძალიან დიდი მადლობა მინდა გადავუხადო ქალბატონ თამარს იმ გამძლეობისთვის და იმ თმენისათვის, რაც მან გამოავლინა ამ ბოლო თვეების განმავლობაში. ვუსურვებ წარმატებას მას მომავალ საქმიანობაში. როგორც თქვენ უკვე იცით ის უბრუნდება საერთაშორისო პოზიციას. ის აგრძელებს მუშაობას საერთაშორისო ორგანიზაციაში.
რაც შეეხება საარჩევნო ადმინისტრაციას, მინდა მოგახსენოთ, რომ საარჩევნო ადმინისტრაცია არის ძალიან მძლავრი, ძლიერი და გამართული ინსტიტუცია. ჩვენ ვაგრძელებთ მუშაობას. თქვენ იცით რომ ჩვენ წარსულშიც გვქონდა მსგავსი ტიპის გამოწვევა, თუმცა როგორც ადრე, ასევე ახლაც მზად ვართ, რომ გავაგრძელოთ მუშაობა. განახლებული საარჩევნო კანონმდებლობის შესაბამისად აირჩევა ცესკოს ახალი თავმჯდომარე. ჩვენ ველოდებით მას, ველოდებით ახალ კომისიის წევრებს, რომ მათთან ერთად შემოდგომაზე ჩავატაროთ საერთაშორისო სტანდარტების შესაბამისი არჩევნები საქართველოში,“ - განაცხადა დღეს ნათია იოსელიანმ
