მოძრაობის "სოლიდარობა უკანონო პატიმრებს" ლიდერი ეკა ბესელია პატიმართა უფლებების დაცვის ფონდს აფუძნებს.
ფონდი საქველმოქმედო იქნება და იმ პირთა უფლებებს დაიცავს, რომლებიც მსჯავრს საქართველოს სხვადასხვა სასჯელაღსრულებით დაწესებულებაში იხდიან.
თანხების მობილიზებას ორგანიზაცია შემოწირულობებითა და სპეციალური ცხელი ხაზის მეშვეობით აპირებს. შეგროვილი თანხა კი, მთლიანად პატიმრების დაცვასა და მათი პირობების გაუმჯობესებას მოხმარდება.
ფონდის პრეზენტაციას მეტეხის ტაძრის ეზოში დღეს ოპოზიციური პარტიების წარმომადგენლები, ასევე უფლებადამცველი არასამთავრობო ორგანიზაციები და დამოუკიდებელი ექსპერტები დაესწრნენ.
