მწერალი თეონა დოლენჯაშვილი "საბას" ჟიურისგან გადაწყვეტილებების დასაბუთებას მოითხოვს. ლიტერატურული კონკურსის "საბას" ჟიურიმ დღეს ფინალისტების სია გამოაქვეყნა, რომელშიც თეონა დოლენჯაშვილი ვერ მოხვდა.
მწერალი ამბობს, რომ მას პოლიტიკური მოსაზრებების გამო ბლოკავენ.
"ძალიან გული მწყდება რომ სამუდამოდ უნდა დავემშვიდობო ლიტერატურული პრემია ,,საბას“! პრემიას, რომლის ორგზის ლაურეატი ვარ და რომელიც უკვე მესამედ ჩემი პოლიტიკური თუ რაღაც სხვა მოსაზრებების გამო მბლოკავს. “საბას”, რომელმაც გადაუხვია თავის უმთავრეს ადამიანურ და ლიტერატურულ ღირებულებებს გადაუხვია და დაივიწყა ის, რისთვისაც შეიქმნა", - წერს მწერალი სოციალურ ქსელში.
დოლენჯაშვილს იმედი აქვს, რომ დრო და ისტორია თავის სახელს დაარქმევს ყველაფერს .
"მწერლები პრემიებისთვის არ წერენ, მაგრამ პრემია რომელიც მწერლებისთვის შეიქმნა, მწერლებისთვის აღარაა და სისტემური უსამართლობის სახედ იქცა. სწორედ ამიტომ მოვითხოვ ჟიურის წევრებმა (კონკრეტულად იმ სამმა ადამიანმა, რომელზეც მთელი წლის ლიტარატურული მოსავალი ჰკიდია) აიღონ პასუხისმგებლობა და დაასაბუთონ საკუთარი გადაწყვეტილებები!" - წერს დოლენჯაშვილი.
