"დემოკრატიული მოძრაობის" ლიდერ ნინო ბურჯანაძის განცხადებით, 42-ე ბატალიონში მომხდარი ინციდენტი შემთხვევითი მოვლენა არ არის. ამის შესახებ ბურჯანაძემ "სახალხო წარმომადგენლობითი კრების" ოფისში გამართულ ბრიფინგზე განაცხადა.
"საქართველოს ხელისუფლებას ძლიერი და დამოუკიდებელი ჯარი არ სჭირდება. ძლიერი და საღად მოაზროვნე ჯარისკაცების ნაცვლად მათ შეშინებული და უმოტივაციო ჯარი სჭირდებათ", - განაცხადა ბურჯანაძემ.
მისი თქმით, "სახალხო წარმომადგენლობითი კრების" საინიციატივო ჯგუფი და მისი მხარდამჭერები გვერდში დაუდგებიან ქართველ ჯარისკაცებს და მათ უფლებებს დაიცავენ.
დღეს გავრცელდა ინფორმაცია, რომ 42-ე ბატალიონის მე-4 ბრიგადაში 15 ჯარისკაცია ნაცემი.
