„სტრატაპინფრასტრუქტურის განვითარება და ეკოსისტემის განვითარება -ეს არის ჩვენი საარჩევნო პროგრამის ერთ-ერთი ცენტრალური საკითხი და ზოგადად ამ ქვეყნის გრძელვადიანი ეკონომიკური განვითარებისთვის აუცილებელი წინაპირობა". - ამის შესახებ პარტია „საქართველოსთვის“ წევრმა ბექა ლილუაშვილმა განაცხადა.
„ჩვენ ვაგრძელებთ შეხვედრებს ჩვენი პროგრამის განხილვის ნაწილში, რომელიც წარმოადგენს ინკლუზიურ პროცესს და დღეს გვქონდა შეხვედრა სტარტაპერებთან. მოგეხსენებათ, რომ სტრატაპინფრასტრუქტურის განვითარება და ეკოსისტემის განვითარება -ეს არის ჩვენი საარჩევნო პროგრამის ერთ-ერთი ცენტრალური საკითხი და ზოგადად ამ ქვეყნის გრძელვადიანი ეკონომიკური განვითარებისთვის აუცილებელი წინაპირობა. ეს ნიშნავს ახალ მაღალტექნოლოგიურ სტარტაპებს და ბიზნესს საქართველოში, რომელიც შემოიტანს ახალ ნოუჰაუს ახალი პროდუქციისა თუ მომსახურების წარმოების მიმართულებით, შექმნის დამატებით სამუშაო ადგილებს და იქნება დამატებითი შემოსავლის წყარო. ჩვენ რა თქმა უნდა პროგრამაში მოცემულ საკითხებს შევეხეთ, მოვისმინეთ სხვადასხვა რეკომენდაციები. მნიშვნელოვანია, რომ თავად სტარტაპერები იყვენ ჩართული პროგრამის შემუშავების პროცესში, იმისთვის, რომ პროგრამის მიერ მოტანილი შედეგები პირდაპირ იყოს მათთვის მომგებიანი და დაეხმაროს მათ თავიანთი ბიზნესსაქმიანობის სწრაფად განვითარებაში, იმისთვის, რომ შექმნან დამატებითი სამუშაო ადგილები და გრძელვადიანი ეკონომიკური განვითარების საფუძვლები" - განაცხადა ბექა ლილუაშვილმა.
პარტია „საქართველოსთვის“ თავისი პროგრამის მიმართულებით თემატურ შეხვედრებს დაიწყო. პარტიის წევრები დღეს სტარტაპერებს შეხვდნენ, რომლებსაც პროგრამული ხედვის ეკონომიკური ნაწილი გააცნეს.
მიზნობრივ ჯგუფებთან შეხვედრის მიზანი მათი სხვადასხვა მიმართულებით გამოთქმული მოსაზრებების და რეკომენდაციების გათვალისწინებას გულისხმობს.
