"ეჭვი მეპარება იმაში, რომ ეს ყველაფერი გამოგონილი ამბავი იყოს", _ აცხადებს საქართველოში ჯაშუშობაში ბრალდებული რუსეთის მოქალაქეების საქმის კომენტირებისას ჟურნალისტი და პოლიტოლოგი ლეონიდ რადზიხოვსკი.
"ეჭვი მეპარება, ეს ყველაფერი გამოგონილი ამბავი იყოს. ვფიქრობ, ეს ადამიანები ნამდვილად იყვნენ დაკავებულნი იმ საქმიანობით, რაზედაც საუბარი იყო და თუ ეს დადასტურდა, რომ ეს რუსეთის იმიჯზე სერიოზულად იმოქმედებს", _ აცხადებს რადზიხოვსკი.
შეგახსენებთ, რომ საქართველოს შს სამინისტროს კონტრდაზვერვის დეპარტამენტმა ჩაატარა მასშტაბური ოპერაცია, რომელის შედეგადაც გამოვლინდა რუსეთის ფედერაციის თავდაცვის სამინისტროს გენერალური შტაბის მთავარი სადაზვერვო სამმართველოსთან, ე. წ. გრუსთან ფარულ კავშირში მყოფი პირები.
გატარებული ღონისძიებების შედეგად გამოვლენილი იქნა ათეულობით პირი, რომლებიც თანამშრომლობდნენ ან სხვადასხვა სახით დაკავშირებულნი იყვნენ რუსეთის ფედერაციის სპეცსამსახურებთან, მათგან 13 პირი იქნა დაკავებული შემდეგი მუხლებით: "ჯაშუშობა" და "უცხოეთის სადაზვერვო სამსახურში შესვლა". აქედან ოთხი არის რუსეთის ფედერაციის მოქალაქე.
