„ძალიან მნიშვნელოვანი იყო ის გზავნილები, რაც მოვისმინეთ",- ასე გამოეხმაურა საქართველოს პარლამენტის თავმჯდომარე ქვეყნის მხარდამჭერ განცხადებებს, რომელიც გუშინ საერთაშორისო პარტნიორების მხრიდან გაკეთდა.
კახა კუჭავას განმარტებით, საქართველო, უკრაინა ნამდვილად ყველასთვის განსახილველ საკითხს წარმოადგენს, რადგან ეს არის ორი კონკრეტული ქვეყანა, სადაც ყველა პირდაპირ აღიარებს იმ აგრესიას, რომელსაც რუსეთი ახორციელებს.
"ეს არ უნდა დარჩეს მხოლოდ განცხადებების დონეზე და რასაც ჩვენ ველოდებით, ეს არის კონკრეტული ნაბიჯები, რომლებიც საშუალებას მოგვცემს საბოლოო მიზანს მივაღწიოთ - ეს არის დეოკუპაცია და რა თქმა უნდა რუსეთის მიერ იმ ვალდებულებების შესრულება, რაც მას მოუწევს ადრე თუ გვიან, რომელიც როგორც ხელშეკრულებით აქვს აღებული, ისე სტრასბურგის სასამართლოს გადაწყვეტილებების მიხედვით უნდა აღასრულოს“, - განაცხადა კუჭავამ.
