სამცხე-ჯავახეთის გზის სარეაბილიტაციო სამუშაოები ამა წლის ნოემრბის ბოლოს დასრულდება.
სარეაბილიტაციო სამუშაოების შემდეგ რეგიონში საგზაო-ქსელი აღდგება, რომლის ღირებულება 203,5 მილინიო აშშ დოლარია. პროექტი ითვალისწინებს დაახლოებით 220 კმ გზის რეაბილიტაციას ქვემო ქართლისა და სამცხე-ჯავახეთის რეგიონებში
გზის სამშენებლო-სარეაბილიტაციო სამუშაოებს ასრულებენ საერთაშორისო ტენდერში გამარჯვებული კომპანიები, კერძოდ: ერთობლივი საწარმო „პაპენბურგ/ბლექ სი ჯგუფი" (გერმანია-საქართველო), „აზერინშაათსერვისი" (აზერბაიჯანი) და „აკორდ ინშაათ სანეი" (აზერბაიჯანი).
სარეაბილიტაციო-სამშენებლო სამუშაოები ხორციელდება ბოგვი-ფარცხისის, ფარცხისი-გოხნარის, გოხნარი-ნარდევანის, ნარდევანი-სათხეს, სათხე-ნინოწმინდა-სომხეთის საზღვრის, ახალქალაქი-სულდას, ხერთვისი-ვარძიის, სულდა-კარწახი-თურქეთის საზღვრის და თელეთი-კოდა-ასურეთის გზის მონაკვეთებზე, ასევე ახალქალაქის შემოვლით გზაზე.
სარეაბილიტაციო სამუშაოები 2008 წლის გაზაფხულზე დაიწყო.
გზის მშენებლობას მთლიანად ფონდი "ათასწლეულის გამოწვევა საქართველოში" აფინანსებს.
გზის მშენებლობა სამცხე-ჯავახეთში სავაჭრო-სამეწარმეო საქმიანობის განვითარებისთვის ხორციელდება.
