"ქართული ოცნების" თავმჯდომარე ირაკლი კობახიძის განცხადებით, ყოფილი პრემიერ-მინისტრის გიორგი გახარიასა და რადიკალური ოპოზიციის რიტორიკა ერთმანეთს ემთხვევა.
მისი თქმით, ნიკა მელიასთვის წასული გიორგი გახარია კვლავ მელიასთვის მობრუნდა.
"მან ასეთი რამ თქვა, რომ რომც აიღოს 43%-ზე მეტი შეიძლება მაინც ჰქონდეს "ქართულ ოცნებას" ლეგიტიმაციის პრობლემა, ეს არის საბოტაჟის წინასწარ გამოცხადებული ქრონიკა. აქ პირდაპირ ემთხვევა გახარიასა და რადიკალური ოპოზიციის რიტორიკა ერთმანეთს, ჩვენ გვაქვს ეჭვი, რომ მელიასთვის წასული გახარია, მელიასთვისვე დაბრუნდა. გახარიამ მოინდომა სხვის ბუდეში კვერცხის დადება. ამის მცდელობა ჰქონდა გიორგი გახარიას და ეს მცდელობა ჩვენ დავასრულეთ ძალიან მარტივად და პარტიის დამფუძნებელმაც დაასრულა," - განაცხადა ირაკლი კობახიძემ.