"მრეწველების" ერთ-ერთი ლიდერის ზურაბ ტყემალაძის შეფასებით, საქართველოს შრომის კოდექსი უვარგისია.
როგორც ტყემლაძემ ანტიკრიზისული საბჭოს სხდომის შემდეგ ჟურნალისტებს განუცხადა, მას შრომის, ჯანმრთელობისა და სოციალური დაცვის მინისტრ სანდრო ურუშაძესთან შრომის კოდექსთან დაკავშირებით კითხვები ჰქონდა, რაზედაც მინისტრმა უპასუხა, რომ კოდექსი ძალიან პროგრესულია.
"მინისტრის შეხედულებასთან დაკავშირებით, რომელიც შრომის კოდექს შეეხება, სხვა მოსაზრება მაქვს და შემიძლია გითხრათ, რომ ის უვარგისია", - აღნიშნა ტყემალაძემ.
მისი თქმით, ასევე გაუგებარია, როგორ უნდა შეძლონ გაჭირვებულმა ადამიანებმა რეფერალურ პროგრამაში მოსახვედრად მთავრობისა და პრემიერის დონეზე მიიტანონ, რომ დახმარება სჭირდებათ.
