დღეს, 4 ნოემბერს, მალაიზიაში დაკავებული ორი ქართველის სასამართლო პროცესი გაიმართება.
წინასწარი ინფორმაციით, დაკავებულ ქართველებთან დაკავშირებით სასამართლო გადაწყვეტილებას უკვე 5 ნოემბერს გამოაცხადებს.
3 ნოემბერს უნდა გამართულიყო საქართველოს საგრეო საქმეთა მინისტრის გრიგოლ ვაშაძის სატელეფონო საუბარი მის მალაიზიელ კოლეგასთან, ანიფახ ბინ ამანასთან, რომელიც არ შედგა. როგორც საგარეო საქმეთა მინისტრმა ჟურნალისტებს განუცხადა, დაკავებულ ქართველებთან დაკავშირებით აღნიშული რეგიონის კოლეგებს ესაუბრა. რაც შეეხება მალაიზიურ მხარესთან საუბარს, ვაშაძის თქმით, ქართული მხარის მიერ სატელეფონო საუბარი შეკვეთილია, თუმცა მათი პასუხი უცნობია.
"იმედი მაქვს, რომ მალაიზიურ მხარესთან დაკავშირებას ჩვენი მოქალაქეების 1-ლი სასამართლო პროცესის შემდეგ შევძლებ", - განაცხადა ვაშაძემ.
საქართველოს მოქალაქეების დაკავების გამო შეშფოთება გამოთქვა საქართველოს პრეზიდეტმა მიხეილ სააკაშვილმა.
დაკავებულ ქართველებთან დაკავშირებით ჱველა შესძლო კავშირის გამოყენებას ცდილობს საქართველოს სახალხო დამცველი. ქართულ მხარეს აღნიშნულ საკითხში დახმარება აღუთქვა ადამიანის უფელათა დამცველმა საერთაშორისო ორგანიზაციამ ”ამენისტი ინტერნეიშენალმა”.
შეგახსნებთ, რომ რამდენიმე დღის წინ მალაიზიის კუნძულებზე, ბორნეუსა და პენანგზე, საქართველოს ორი მოქალაქე დააკავეს, რომლებსაც სურათის ჩარჩოების საშუალებით 11 კგ. ნარკოტიკი გადაჰქონდათ. თუ დაკავებულებს აღნიშნულ საქმესთან პირდაპირი კავშირი დაუდგინდათ, მალაიზიის კანონმდებლობის მიხედვით, მათ სიკვდილით დასჯა ელოდებათ.
