სერბეთის ცენტრალურ ნაწილში 5.4-მაგნიტუდიანი მიწისძვრა მოხდა. შედეგად 2 კაცი დაიღუპა და 100 დაშავდა. მიწისძვრის ეპიცენტრი ქალაქ კრალევოსთან, ბელგრადიდან 200 კილომეტრის მოშორებით, მდებარეობდა.
მიწისძვრის შედეგად, კრალევოში შენობები დაზიანდა, მათ შორის ქალაქის საავადმყოფო, პაციენტები არ დაზარალებულან.
მიწისძვრით დაზარალებული ქალაქი ქვეყნის შინაგან საქმეთა მინისტრმა მოინახულა. მისი თქმით, ქალაქის მოსახლეობის დიდ ნაწილს ელექტროენერგია და სასმელი წყალი შეფერხებით მიეწოდება.
