ოკუპირებული ტერიტორიებიდან იძულებით გადაადგილებილ პირთა, განსახლებისა და ლტოლვილთა სამინისტრში ოკუპანტების მიერ ახალგორისთვის "ლენინგორის" დარქმევას რუსეთის ოკუპაციის გაგრძელებად აფასებენ.
როგორც სამინისტროში განმარტავენ, ახალგორისთვის სახელის გადარქმევა და "ლენინოგორის" დარქმევა რუსეთის ფედერაციის მხრიდან ოკუპაციის გაგრძელების მცდელობაა.
"ცხინვალის რეგიონში, მათ შორის ახალგორში ქართული ტოპონიმების რუსულით ჩანაცვლება კიდევ ერთხელ ადასტურებს, რომ რუსეთის ფედერაცია საქართველოს ტერიტორიების ოკუპაციას კველავ აგრძელებს", - განუცხადეს "ჯი-ეიჩ-ენს" სამინისტროში.
შეგახსენებთ, რომ ოკუპანტების და სეპარატისტების მიერ ახალგორისთვის "ლენინგორის" დარქმევის შეფასებისას საფრანგეთის სრულუფლებიანმა და საგანგებო ელჩმა საქართველოში ერიკ ფურნიემ აღნიშნა, რომ "ამით ცხინვალი ნახევრადშეშლილი ბოლშევიკი ლენინის გაცოცხლებას ცდილობს".
