"საქართველოსთან დაკავშირებით ბუქარესტის სამიტზე მიღებული გადაწვეტილება ძალაში რჩება", - ამის შესახებ ნატოს გენერალურმა მდივანმა ანდრეს ფოგ რასმუსენმა ამჯერად "ინტერფაქსთან" ინტერვიუში განაცხადა.
"ბუქარესტში, 2008 წელს გამართულ სამიტზე ნატოს წევრმა სახელწმიფოებმა თქვეს, რომ საქართველოს ალიანში გაწევრიანების პერსპექტივა აქვს. ეს გადაწყვეტილება ძალაში რჩება", - განაცხადა რასმუსენმა, თუმცა აქვე ისიც აღნიშნა, რომ ჩრდილოატნალტიკურ ალიანსში ინტეგრაცია იმაზეცაა დამოკიდებული, თუ როგორ დააკმაყოფილებს კანდიდატი ქვეყანა ორგანიზაციის სტანდარტებს.
რაც შეეხება ლისაბონში, ნოემბრის ბოლოს დაგეგმილ ნატოს მორიგ სამიტს, ინტერვიუში ჩრდილოატლანტიკური ალიანსის გენმდივანმა თავი შეიკავა იმის წინასწარ კომენტირებისგან, "მისცემს თუ არა ნატო ორგანიზაციაში გაწევრიანებასთან დაკავშირებით საქართველოს ახალ იმედს".
