გზავნილს, რომელიც იტალიის პრემიერ-მინისტრს სილვიო ბერლუსკონის ათენიდან გაუგზავნეს, ცეცხლი მაშინ გაუჩნდა, როდესაც იტალიის სპეცგანყოფილების გამნაღმველებმა ის ბოლონიის აეროპორტში გახსნეს. ამის შესეხაბ ადგილობრივი მედია იუწყება.
სატვირთო თვითმფრინავმა, რომელშიც გზავნილი იდო, ბოლონიის აეროპორტში არაგეგმიური დაჯდომა განახორციელა. გამნაღმველებმა დაუყონებლივ დაიწყეს ყველა ტვირთის შემოწმება, რომელიც თვითმფრინავის ბორტზე იყო და აღმოაჩინის ბერლუსკონის სახელზე გაგზავნიული გზავნილი, რომელიც სპეციალური ტექნიკური მოწყობილობების დახმარებით გაიხსნა. გახსნის დროს გზავნილს ცეცხლი გაუჩნდა.
ბოლო მონაცემებით განმაღმველებიდან არავინ დაშავებულა.
არაოფიციალური ინფორმაციით თვითმფრინავის პოლოტმა ჯერ საგანგებო დაჯდომა მოითხოვა და მხოლოდ შემდეგ განაცხადა ბორტზე შესაძლო საეჭვო გზავნილის არსებობის შესახებ.
ვრცელდება ინფორმაცია, რომ მას საეჭვო გზავნილის შესახებ კომპანია თNთ-დან აცნობეს.
შეგახსენებთ, რომ გუშინ გერმანიის კანცლერის ანგელა მერკელის ოფისში მის სახელზე გაგზავნილი საეჭვო ამანათი აღმოაჩინეს.
გერმანიის მთავრობის ინფორმაციით, ამანათში ასაფეთქებლი მოწყობილობა იყო.
ამანათის გამგზავნად მითითებული იყო საბერძნეთის ეკონომიკის სამინიტრო.
გუშინვე საბერძნეთის დედაქალაქში რამდენიმე აფეთქება მოხდა. თავდაპირველად ასაფეთქებელი მოწყობილობა ათენში მდებარე შვეიცარიის საელჩოს ტერიტორიაზე ამოქმედდა. აფეთქების ძლიერი არ იყო.
შემდეგ ბერძენმა სამართალდამცავებმა სპეციალური მოწყობილობით თავად ააფეთქეს ათენში ბულგარეთის საელჩოსთან ნაპოვნი ასაფეთქებელი მოწყობილობა. მალევე სამართალდამცავებმა ასაფეთქებელი მოწყობილობა რუსეთის საელჩოში იპოვეს და მიზანმიმართულად ააფეთქებს.
მათივე ინფორმაციით, აფეთქებებს მსხვერპლი არ მოჰყოლია.
ამას გარდა, საბერძნეთის პოლიციამ ასევე იპოვა ამანათი, რომელშიც ასევე ასაფეთქებელი მოწყობილობა იყო და რომელსაც ათენში გერმანიის საელჩოს მისამართი ჰქონდა მითითებული.
საეჭვო ამანათები ასევე იპოვეს ათენის ჩილეს საელჩოში.
ორი ასეთი ამანათი ასევე გაიგზავნა საბერძნეთის პარლამენტში. პოლიციამ ეს ამანათი პარლამენტის შენობასთან მიზანმიმართულად ააფეთქა. ერთი აფეთქდა, მეორეში არაფერი აღმოჩნდა.
ადგილობრივი სამართალდამცავების ინფორმაციით, აფეთქებების რაიონში პოლიციამ ორი ახალგაზრდა დააკავა, რომელთაც გასაგზავნად გამზადებული ასაფეთქებელი მოწყობილობები აღმოაჩნდათ. ისინი ბელგიისა და მექსიკის საელჩოებშიც აპირებდნენ ამანათის გაგზავნას.
ბერძნულმა პოლიციამ ასევე გააუვნებელყო ნიდერლანდენბის საელჩოსათვის განკუთვნილი ამანათი, რომელშიც ასევე ასაფეთქებელი მოწყობილობა იყო.
