ქამარი შემოჭერილია იმდენად, რომ სული არ გაგხდეს - ასე უპასუხა რეგიონული განვითარებისა და ინფრასტრუქტურისა და მინისტრმა, ირაკლი ქარსელაძემ ჟურნალისტის მიერ დასმულ შეკითხვას, რომელიც პრემიერ-მინისტრ ღარიბაშვილის მიერ დაანონსებულ ქვეყნის განახლების მასშტაბურ პროექტს შეეხებოდა.
ქარსელაძის განცხადებით, რეგიონული განვითარებისა და ინფრასტრუქტურის სამინისტროს ქამრები შემოჭერილი აქვს იმდენად, რამდენადაც ეს შესაძლებელია.
"ქამარი შემოჭერილია იმდენად, რამდენადაც უნდა იყოს, რომ სული არ გაგხდეს. მაგრამ, საუბარია იმაზე, რომ სამინისტროს მოთხოვნა მნიშვნელოვნად აღემატებოდა იმას, რაც იქნა დაფინანსებული, ამიტომ თავისუფალ სახსრებზე საუბარი უსაფუძვლოა. საუბარია იმაზე, რომ მოხდა პრიორიტეტების გადალაგება სწორედ ამ კაპიტალური, ურბანული განვითარების თვალსაზრისით, რამაც შესაძლებლობა მოგვცა, აღნიშნული პროგრამა ახლა დაგვეწყო და ეს დიდი შესაძლებლობა გაგვეჩინა მუნიციპალიტეტებისთვის და რეგიონებისთვის", - თქვა ირაკლი ქარსელაძემ.
შეგახსენებთ, ირაკლი ღარიბაშვილმა ქვეყნის განახლების მასშტაბური პროგრამის დაწყება დაანონსა.