ქუთაისში მომხდარი ავტოსაგზაო შემთხვევის შედეგად მდინარე რიონში ჩავარდნილ მამაკაცს ამ დრომდე ვერ პოულობენ. ჯერჯერობით ვერც მდინარიდან მანქანის ამოტანა მოხერხდა.
შემთხვევა ქუთაისში რამდენიმე საათის წინ მოხდა. არსებული ინფორმაციით, მწვანე ფერის "მერსედესის" მარკის ავტომანქანა რუსთაველის ხიდიდან რიონში გადავარდა.
თვითმხილველების განცხადებით, "მერსედესის" მძღოლი ნელა მოძრაობდა, თუმცა საჭე ვერ დაიმორჩილა და ბორდიურს შეეჯახა, რის შედეგადაც მოაჯირი მოინგრა და მანქანა წყალში ჩავარდა.
მაშველები ამ დრომდე ეძებენ მანქანასაც და მგზავრსაც.
შეგახსენებთ, რომ 2 თვის წინ, ზუსტად იმავე ადგილზე კიდევ ერთი ავტოსაგზაო შემთხვევა მოხდა, რომელსაც 18 წლის ახალგაზრდა ემსხვერპლა.
