სტალინის ძეგლი, რომელიც ქუთაისის გამარჯვების მოედნიდან წუხელ აიღეს, ისევ საკუთარ ადგილს დაუბრუნდება. როგორც "ჯი-ეიჩ-ენს" ქუთაისის მერიის პრესსამსახურის ხელმძღვანელმა ქეთი დეისაძემ განუცხადა, ბელადის ძეგლის დროებით აღება იმ სკვერის რეაბილიტაციის გამო გახდა აუცილებელი, რომელშიც ის იყო განთავსებული.
"ძეგლის დემონტაჟი არ მომხდარა. ის უბრალოდ გამარჯვების მოედანზე მდებარე სკვერიდან დროებით გაიტანეს, რადგან პარკის რეაბილიტაცია მიმდინარეობს. სკვერის განახლება ქალაქის მიმდინარე წლის ბიუჯეტით იყო გათვალისწინებული", - განაცხადა ქეთი დეისაძემ.
მისივე განმარტებით, სკვერის რეაბილიტაციის დასრულების შემდეგ სტალინის ძეგლს ისევ გამარჯვების მოედანზე დაამონტაჟებენ.
შეგახსენებთ, რომ ძეგლი მოედნიდან წუხელ აიღეს. გავრცელებული ინფორმაციით, მისი დემონტაჟი მოახდინეს.
.