იაპონია მხოლოდ თავის თავზე უნდა იყოს გაბრაზებული, აცხადებს ნატოში რუსეთის წარმომადგენელი დიმიტრი როგოზინი და დასძენს, რომ იაპონიის პროტესტი რუსეთის პრეზიდენტის მიერ კურილიის კუნძულების მონახულებასთან დაკავშირებით, ისევე როგორც იაპონიის პრეტენზიები კუნძულების კუთვნილებაზე უცნაურია და ანალიზს არც საერთაშორისო სამართლის თვალსაზრისით არ ექვემდებარება.
"იაპონია არ უნდა განაწყენდეს ან უნდა განაწყენდეს საკუთარ თავზე, იმაზე რომ დაიწყო ომი მეზობელი ქვეყნების წინააღმდეგ, იმაზე რომ წააგო ეს ომი 1945 წელს. ამიტომ ამ საკითხში სქელი წერტილი უკვე დიდი ხანია დგას", _ აცხადებს როგოზინი.
მისივე თქმით, იაპონიამ როგორც ქვეყანამ რომელმაც ომი წააგო, ხელი მოაწერა სრული და უპირობო კაპიტულაციის აქტს, რომელიც სხვა ვარიანტებისაგან განსხვავებით გულისხმობს, რომ "ქვეყანა გამარჯვებულს სამადლოდ გადასცემს თავის ტერიტორიას და თავის პოლიტიკურ ბედს".
"ეს რუსული კუნძულები და სუვერენული ტერიტორიაა. ჩვენ უბრალოდ მშვიდნი უნდა ვიყოთ და ჩვენთვის ხასიათის გაფუჭების მცდელობებს ძალიან ხისტი პასუხი უნდა გავცეთ", _ განაცხადა როგოზინმა.
შეგახსენებთ, რომ დღეს იაპონიის ხელისუფლებამ რუსეთის პრეზიდენტის დიმიტრი მედვედევის მიერ კურილიის კუნძულების მონახულებაზე პროტესტის ნიშნად მოსკოვიდან თავისი ელჩის გამოწვევის გადაწყვეტილება მიიღო.
მედვედევმა იაპონიის არაერთი გაფრთხილების მიუხედავად კურილიის კუნძულები 1 ნოემბერს მოინახულა.
