ქართულმა მხარემ ოფიციალურ კუალალუმპურს მალაიზიაში დაკავებულ ქართველებთან დაკავშირებით სპეციალური ნოტა გაუგზავნა.
ნოტა უკრაინაში მალაიზიის საელჩოს წარმომადგენლებს ამავე ქვეყანაში საქართველოს წარმომადგენლობის ხელმძღვანელმა გრიგოლ ქათამაძემ გადასცა.
როგორც ქათამაძემ ჟურნალისტებს განუცხადა, ნოტაში ქართული მხარე მალაიზიელ კოლეგებს დაკავებულ ქართველებთან დაკავშირებით დეტალური ინფორმაციის მიწოდებას თხოვს.
"საქართველოსა და მალაიზიას შორის თანამშრომლობა დაიწყო. შევხდვით მალაიზიის საელჩოს წარმომადგენლებს უკრაინაში და გადავეცით ჩვენი ნოტა, რომელშიც ვთხოვთ მოგვაწოდონ დეტალური ინფორმაცია, თუ რა ვითარებაში და რის გამო მოხდა მათი დაკავება", - აცხადებს ქათამაძე.
მისივე განმარტებით, ოფიციალური კუალალუმპურისგან თბილისი კონკრეტულ დეტალებთან დაკავშირებით პასუხს დღეს, დღის მეორე ნახევარში მიიღებს.
