მალაიზიაში დაკავებული ერთ-ერთი ქართველის ოჯახის წევრები მომხდარში სიძეს - ბაბუცა გორდაძის მეუღლეს ადანაშაულებენ და მის წანააღმდეგ სისხლის სამართლის საქმის აღძვრას ითხოვენ.
გორდაძის მშობლების მტკიცებით, მათი შვილი ტრეფიკინგის მსხვერპლი სწორედ გიორგი დავითიანის გამო გახდა.
"გიორგი დავითიანს ხელს არ ვადებ იმაში, რომ წამალი ჩემს შვილს მაინცდამაინც მან გაატანა, მაგრამ თურქეთში წასასვლელი ფული - 1000 დოლარი სწორედ მან გამოუგზავნა და თან დაავალა, რომ იქ კიდევ ორი ქალი წაეყვანა, რადგან სამუშაო მათთვისაც ჰქონდა. ასეთ სამუშაოს გულისხმობდა?", - განუცხადა ჟურნალისტებს ბაბუცა გორდაძის დედა ნელი გორდაძემ.
რაც შეეხება თავად დავითიანს, მის შესახებ თურქეთში მდებარე იმ მაღაზიაში, რომელშიც ის მუშაობდა, არაფერი იციან. მობილური ტელეფონი კი გათიშული აქვს.
