ნატოს მცდელობა რუსეთი ე.წ. დამოკრატიულ თამაშში ჩართოს, რუსეთის დღევანდელი ხელისუფლების პირობებში, არარეალურია.
ამის შესახებ "ჯი-ეიჩ-ენს" "ქრისტიან-დემოკრატების" ერთ-ერთმა ლიდერმა ლევან ვეფხვაძემ ნატოს გენერალური მდივანის ანდრეს ფოგ რასმუსენის მოსკოვში ვიზიტის შეფასებისას განაცხადა.
"ეს არის მცდელობა, რუსეთი შემოიყვანონ ე.წ. დემოკრატიულ თამაშში და შეეცადო, რომ შენი მოწინააღმდეგე მოყვარედ გახადო. დაყვავების ენით და საუბრით მოახერხო იმის მიღწევა, რომ რუსეთი აღარ იყოს საფრთხე მეზობლებისთვის. მაგრამ ეს მიზანი მიუღწეველია და არარეალურია, გამომდინარე დღევანდელი ხელისუფლებიდან და იმ ადამიანებიდან, რომელიც რუსეთს მართავს. ერთის მხრივ არის ოფიციალურად პრეზიდენტი დიმიტრი მედვედევი და მეორეს მხრივ ქვეყანას მართავს პრემიერი პუტინი სპეცსამსახურების გუნდთან ერათად, რომელმაც იგი მოიყვანა ხელისუფლებაში. ამ ადამიანების მენტალობის გათვალისწინებით არა მგონია, რომ ურთიერთოებებში რამე განსაკუთრებული გარღვევა მოხდეს", - აღნიშნა ვეფხვაძემ.
მისივე შეფასებით, თუ ასეთი გარღვევა მიიღწევა, მაშინ ეს მხოლოდ დადებითად აისახება საქართველოზე, თუ რუსეთი საფრთხე აღარ იქნება მეზობლებისთვის, მსოფლიოსთვის და მოხდება მისი მიზნების და მოტივაციის ცვლილება.
"კრემლის მიზანია პოსტსაბჭოთა სივრცეზე თავისი გავლენა აღადგინოს, ასეთ შემთხვევაში რუსეთისა და ნატოს მიზნები ვერ იქნება საერთო, რადგან თავის დროზე ჩრდილო ატლანტიკური ალიანსი სწორედ ამ საფრთხის საწინააღმდეგ შეიქმნა", - აღნიშნა დეპუტატმა.
