საქართველოს პრეზიდენტი ქართველ რაგბისტებს რუსეთის მორაგბეთა ნაკრების წინააღმდეგ გამარჯვებისთვის მადლობას უხდის.
"პრეზიდენტი მადლობას უხდის თითოეულ რაგბისტს იმ გამარჯვებისა და სიხარულისთვის, რომელიც მათ მოგვანიჭეს და მას თითოეულ ქართველს ულოცავს", - განაცხადა პრეზიდენტის პრესპიკერმა მანანა მანჯგალაძემ დღეს გამართულ ყოველკვირეულ ბრიფინგზე.
ამასთან, ქვეყნის პირველი პირის აზრით, "როცა გამარჯვების სურვილი არსებობს, წარმატება გარანტირებულია".
შეგახსენებთ, რომ 30 ოქტომბერს, 19 წლამდე ქართველ მორაგბეთა ნაკრებმა ბელგიაში მიმდინარე ევროპის ჩემპიონატის ფინალში რუსეთის ნაკრები ანგარიშით 38:7 დაამარცხა.
