გოკა გაბაშვილმა და ლევან თარხნიშვილმა "ევროპული საქართველო" დატოვეს.
"ამ ეტაპზე მეც, ჩემი მეგობრების მსგავსად, გადავწყვიტე საქმიანობა და ბრძოლა უპარტიო სტატუსით განვაგრძო. „ევროპულ საქართველოში“, ასევე ბევრი მეგობარი რჩება და წარმატება მათ", - წერს გოკა გაბაშვილი სოციალურ ქსელში.
საკუთარი გადაწყვეტილების შესახებ სოციალურ ქსელში დაწერა, ასევე ლევან თარხნიშვილმაც.
"მადლობა ყველას, ვისთანაც ერთად ვიბრძოდით და ვაშენებდით "ევროპულ საქართველოს". გისურვებთ წარმატებებს. ჩვენი ერთობლივი ბრძოლა ქოცების წინააღმდეგ გრძელდება. მე ამ ბრძოლაში გაჩერებას არ ვაპირებ და ყველაფერს გავაკეთებ ამ ჭირის მოსაცილებლად. მერესა მერე იყოს", - წერს ლევან თარხნიშვილი.
მანამდე "ევროპული საქართველოს" დატოვების შესახებ განაცხადეს პარტიის თავმჯდომარემ, დავით ბაქრაძემ და გენერალურმა მდივანმა, გიგი უგულავამ.
პარტიის დატოვების გადაწყვეტილება მიიღო გივი თარგამაძემაც.
"ევროპული საქართველოს" თავმჯდომარედ ყრილობამ გიგა ბოკერია აირჩია.