ოპოზიციონერი პარლამენტარი გიორგი ცაგარეიშვილი ხელისუფლებას იმერეთის მოსახლეობის "ღვთის ანაბარა" მიტოვებაში ადანაშაულებს.
როგორც დღეს გამართულ ბრიფინგზე ცაგარეიშვილმა აღნიშნა, იმერეთის რაიონში "ჩვენი საქართველო - თავისუფალ დემოკრატებთან" ერთად იმყოფებოდა, სადაც მოსახლეობა უკიდურეს გაჭირევბაში ცხოვრობს.
"იმერთის რეგიონში, მათ შორის ქუთაისში, წყალტუბოში, ბაღდათში ჩასვლის დროს საშინელი ვითრება დაგვხვდა. მოსახლებას უკიდურესად არის გაჭირევბული და საკუთარი ოჯახის გამოკვების საშუალებაც კი არ აქვთ. მაშინ, როდესაც პრეზიდენტი სააკაშვილი იძახის, რომ როდესაც ის საქართველოს თავზე დაფრინავს მიწების დიდი ნაწილი დამუშავებულია, რატომ არ ინტერესდება იმერეთში სავარგულების 70% რომ დასამუშავებილია", - აღნიშნა ცაგარეიშვილმა და აქვე დასძინა, რომ იმერელ გლეხს ერთი ჰექტარი მიწის ნაკვეთის დამუშავება 1000 ლარი უჯდება.
დეპუტატის თქმით, იმ დროს როდესაც სოფლის მეურნების სამინისტროს ბიუჯეტი იზრდება, ეს მოსახლებაზე ფაქტიურად არ აისახება და არავინ არ იცის სად მიდის რეალურად ეს თანხები.
ამასთან, ცაგარეიშვილის მტკიცებით წყალტუბოში, პანსიონატ "წყალტუბოში" შესახებულ აფხაზეთიდან დევნილ მოსახლეობასთან უკვე 6 წელია ხელისუფლების არც ერთი წარმომადგენლი არ ჩასულა და მათი ყოფით არ დაინტერესებულა.
"სად არის გიორგი ბარიამია ან ნაციონალური მოძრაობის წევრები, მაშინ როდესაც იმერეთში მოსახლეობა შიმშილით იხოცება. თუ ვინმეს არ სჯერა, რომ ადგილობრივები სიკვდილის პირას მიიყვანა საკაშვილმა და "ნაციონალურმა მოძრაობამ მზად ვარ დღესვე წვაიდე და მათთან ერთად მოვინახულო ეს ხალხი", - აღნიშნა დეპუტატმა.
