ფრანგი მსახიობი ჟერარ დეპარდიე და ესპანელი მსახიობი როსი დე პალმა მერაბ კოკოჩაშვილის ახალ ფილმში ითამაშებენ.
27 მარტს, საქართველოს ეროვნული კინოცენტრის ოფიციალურ ვებგვერდზე, გამოქვეყნდა ვიდეო ქართველი რეჟისორისა და სცენარისტის მერაბ კოკოჩაშვილის მხატვრული ფილმის "ტერცო მონდო" გადაღებიდან.
ვიდეოში ფილმის პროდიუსერი, ხათუნა ხუნდაძე ამბობს, რომ მსოფლიო კინოს ისეთი ვარსკვლავები, როგორებიც არიან ჟერარ დეპარდიე და როსი დე პალმა, ასევე მონაწილეობენ ზოგიერთ ეპიზოდურ სცენაში.
"ორივეს ძალიან საინტერესო როლი აქვს, რადგან ისინი Skype– ით საუბრობენ საქართველოზე, ქართულ ღვინოზე და კულტურაზე", - ამბობს ხუნდაძე.
აღსანიშნავია, რომ 2013 წელს დეპარდიე ეწვია აფხაზეთს, რითაც დაარღვია საქართველოს კანონი ოკუპირებული ტერიტორიების შესახებ, რაც კრძალავს რეგიონში შესვლას თბილისის ნებართვის გარეშე.
მერაბ კოკოჩაშვილის ახალი სრულმეტრაჟიანი ფილმი "ტერცო მონდოს" გადაღებების უმეტესი ნაწილი უკვე დასრულებულია. როგორც ფილმის პროდიუსერი ხათუნა ხუნდაძე ამბობს, დარჩენილია ის ეპიზოდები, რომლებიც უცხოეთში უნდა გადაიღონ.
გადაღებები რამდენიმე ქალაქში მიმდინარეობს. "ტერცო მონდოს" საფუძვლად უდევს აკა მორჩილაძის მოთხრობა. ამავე სახელწოდების. ფილმში მთავარ როლებს ასრულებენ ლევან წულაძე, დუტა სხირტლაძე და ქეთა შათირიშვილი.
"ტერცო მონდო" იქმნება ეროვნული კინოცენტრის მხარდაჭერით.
