მოძრაობა "არა" უახლოეს დღეებში 18 წლის მსჯავრდებულის გვანცა ყუფარაძის საქმესთან დაკავშირებით ახლა დეტალებს გაახმაურებს.

ამის შესახებ პარლამენტში, "არა"-ს ერთ-ერთმა ლიდერმა ლევან ჩიტიძემ დეპუტატებთან ლევან ვეფხვაძესთან, გიორგი ცაგარეიშივილთან და დიმიტრი ლორთქიფანიძესთან ერთად გამართულ ბრიფინგზე განაცხადა.

"ჩვენ არ ვაპირებთ დაველოდოთ ამ ხელისუფლების მიერ გვანცა ყუფარაძის უკანონო პატიმრობის ვადის ამოწურვას. მოძრაობის წევრების მიერ ჩატარებულ გამოძიების შედეგებს უახლოეს ორ კვირაში გავაცნობთ საზოგადოებას და იმ ჩინოვნიკების და პოლიცილების გვარებს დავასახელბთ ვისაც ამ საქმესთან კავშირი ჰქონდა", - აღნიშნა ჩიტიძემ.

როგორც ცნობილია, საქართველოს პრეზიდენტს მიხეილ სააკაშვილს პარლამენტის წევრები ლევან ვეფხვაძე, გიორგი ცაგარეიშივილი და დიმიტრი ლორთქიფანიძე 18 წლის მსჯვარდებულის გვანცა ყუფარაძის უპირობო განთავისუფლებას სთხოვენ.

შეგახსენებთ, რომ ოთხი წლის წინ, 14 წლის გვანცა ყუფარაძეს საკუთარი კლასელის ტყემალაძის მკვლელობის მცდელბის განსაკუთრებული სისტიკის ჩადენის გამო 5 წლით თავისუფლების აღკვეთა, ხოლო 5 წლით პირობითი სასჯელი აქვს მისჯილი.