დღეს თბილისის სახელმწიფო უნივერსიტეტში ევროპისმცოდნეობის ინსტიტუტის მიერ ორგანიზებული ადამიანის უფლებათა და თავისუფლებათა დაცვის ევროპული კონვენციის 60 წლისთავისადმი მიძღვნილი საზეიმო ცერემონიალი გაიმართება. ღონისძიებაზე დაგეგმილია ახალი წიგნების და სტუდენტური ნაშრომების პრეზენტაცია, საუკეთესო სტუდენტები სამახსოვრო სიგელებითაც დაჯილდოვდებიან.
ღონისძიებას ევროპის საბჭოს ელჩი საქართველოში ბორის ვოდსი, თსუ-ის რექტორის მოვალეობის შემსრულებელი ალექსანდრე კვიტაშვილი და საკანონმდებლო ორგანოს წარმომადგენლები დაესწრებიან.
ღონისძიება თსუ-ის მე-2 კორპუსში, მე-4 სართულზე, ევროპისმცოდნეობის ინსტიტუტში ჩატარდება.
