უკვე 40 მილიონზე მეტი ადამიანია "სინოფარმით" აცრილი. შესაბამისად, მისი სანდოობის შესახებ კითხვები არ ისმის, - ამის შესახებ ჯანდაცვის მინისტრმა, ეკატერინე ტიკარაძემ ჯანდაცვის სამინისტროში გამართულ ბრიფინგზე განაცხადა.
ტიკარაძის განცხადებით, "სინოფარმი" ჯანმრთელობის მსოფლიო ორგანიზაციისგან ელოდება ავტორიზაციას და სამინისტროს ორგანიზაციასთან აქტიური მიმოწერა აქვს.
"უნგრეთის მკაცრი მარეგულირებლის მხრიდან არის „სინოფარმი“ აღიარებული, რის საფუძველზეც ჩვენ მივიღეთ გადაწყვეტილება, რომ „სინოფარმი“ დაშვებული ყოფილიყო საქრთველოს ბაზარზე. მნიშვნლოვანია, რომ უკვე 40 მილიონზე მეტი ადამიანი არის აცრილი „სინოფარმის“ ვაქცინით, შეაბამისად, მის სანდოობაზე კითხვები არ ისმის. სინოფარმი ჯანდაცვის მსოფლიო ორგანიზაციისგან ელოდება ავტორიცაციას. ამასთან დაკავშირებით ჩვენ გვაქვს ინტენსიური მიმოწერა ამ ორგანიზაციასთან, რის შედეგადაცლ რა თქმა უნდა, საბჭოსთან მსჯელობს შემდეგ მივიღებთ გადაწყვეილებას, როდის იქნება ჩინური ვაქცინით საქრთველოში ვაქცინაცია შესაძლებელი", – განაცხადა ეკატერინე ტიკარაძემ.
გასულ კვირას, საქართველომ "სინოფარმის" ვაქცინის 100 000 დოზა მიიღო. დაავადებათა კონტროლის ცენტრის დირექტორის, ამირან გამყრელიძის თანახმად, ქვეყანა აპრილის ბოლოს "სინოვაკის" 100 000 დოზას მოელის.
