დაავადებათა კონტროლის ეროვნული ცენტრის ინფორმაციით, საქართველოში კორონავირუსის საწინააღმდეგო ვაქცინით აცრილი ადამიანებიდან 27 შემთხვევაში დაფიქსირდა სერიოზული გვერდითი გართულება.
"გვერდითი მოვლენები და რეაქციები ვაქცინაციის შემდეგ ადამიანს შეიძლება ჰქონდეს, მათ შორის განსაკუთრებულ ყურადღებას საჭიროებს რამდენიმე გვერდითი მოვლენა და რეაქცია", - აცხადებს დაავადებათა კონტროლის ეროვნული ცენტრის გადამდებ დაავადებათა ცენტრის ხელმძღვანელი ხათუნა ზახაშვილი.
მისი განმარტებით, საქართველოში ვაქცინირებულებიდან ჯერჯერობით რეგისტრირებულია 27 შემთხვევა, მათგან 4 შემთხვევა იყო, როდესაც ინტენსიური თერაპიის საჭიროება დადგა, 3 შემთხვევაში დასჭირდათ ჰოსპიტალიზაცია, ხოლო 2 შემთხვევაში რეანიმაციული ღონისძიება.
პირველი აპრილის 15:00 საათის მონაცემებით, საქართველოში აცრილია 8 536 მედიცინის მუშაკი და 65 წელს ზემოთ მოქალაქეები.