არ მომწონს ეს რაც ხდება, ადამიანი ჩამოვიდა და მივუვარდით, - განაცხადა გირჩის ლიდერმა ვახო მეგრელიშვილმა ტელეკომპანია პირველის ეთერში რუსი ჟურნალისტის ვლადიმირ პოზნერის ვიზიტთან დაკავშირებით გამართულ საპროტესტო აქციაზე.
„პროტესტს ხომ აქვს თავისი ხარისხი? ნუთუ, ახლა პოზნერი იმსახურებს ამ სახის პროტესტს? ჩვენ ამაზე დიდი გასაპროტესტებელი როგორ არა გვაქვს, როგორც პოზნერის საღამოს ვახშამი? ზურაბ ჯაფარიძესთან რომ მიდიოდა პოლიცია და კეტავდა ბარს, აქაც ხომ იგივე სიტუაციაა? მე არ მომწონს ეს რაც ხდება, არ მომწონს ბევრი მიზეზის გამო, არ მომწონს იმიტომ, რომ ადამიანი ჩამოვიდა და მივუვარდით. იქ ყველანი არიან ანგაჟირებული ადამიანები“, - თქვა მეგრელიშვილმა.
სამოქალაქო ატივისტებმა პოზნერის ვიზიტი გააპროტესტეს და სასტუმრო სტამბასთან, სადაც პოზნერი განთავსდა აქცია დაგეგმეს. კაფე სტამბიდან აქტივისტებმა რესტორან ვინოტელთან გადაინაცვლეს, სადაც პოზნერი და მისმა მეგობრები სავახშმოდ გაემგზავრნენ.
აქტივისტები ამბობდნენ, რომ პოზნერმა საქართველოში მოქმედი გადაადგილების შეზღუდვის რეგულაციები დაარღვიეს და პოლიციას შესაბამისი ქმედებისკენ მოუწოდებენენ. მათივე თქმით, ადამიანს, რომელმაც თქვა, რომ „აფხაზეთი საქართველოს ნაწილი აღარასოდეს იქნება“, არ აქვს უფლება საქართველოში შემოდიოდეს. მოგვიანებით აქტივისტებმა სასტუმროს ეელექტროენერგია გაუთიშეს. ვინოტელთან შეკრებილი სამოქალაქო აქტივისტები აცხადებდნენ, რომ პოზნერს არ მისცემენ მშვიდად დროსტარების საშუალებას.
აქტიისტების პროტესტის შემდეგ შრომის ინსპექციამ სასტუმრო „ვინოტელი“, სადაც ვლადიმერ პოზნერი და მისი სტუმრები იმყოფებიან, 10 000 ლარით დააჯარიმა.
შრომის ინსპექციამ გამოავლინა 322-ე დადგენილებით აკრძალული საქმიანობის განხორციელება. გამოიკვეთა სამართალდამრღვევი იურიდიული პირი და ობიექტის მიმართ გამოყენებულ იქნება შესაბამისი სანქცია, 10 000 ლარის ოდენობით”, - განაცხადა შრომის ინსპექციის წარმომადგენელმა.
პოზნერის ჩამოსვლის შესახებ ინფორმაცია თავდაპირველად ელენე ხოშტარიამ გაავრცელა.
