ოთხწლიანი პატიმრობის შემდეგ, კომპანია "ცენტრ პოინტ ჯგუფის" დამფუძნებელი
რუსუდან კერვალიშვილი საპატიმროს დატოვების შემდეგ აცხადებს, რომ ძალიან ნანობს ყველაფერს.
რუსუდან კერვალიშვილის თქმით, მისი და მაია რჩეულიშვილის მთავარი ამოცანაა ყველა ადამიანი დაკმაყოფილდეს ბინით და იყოს ბედნიერი.
"სინანული მაქვს ძალიან დიდი, ის ადამიანები, ვინც ძალიან გვენდნენ წლების განმავლობაში დაზარალდნენ. სამწუხაროდ ჯერ კიდევ არ მოხერხდა პრობლემის დასრულება, მაგრამა ახლა იმედი მოგვეცა, რომ იწყება მშენებლობა, იწყება ერთ თვეში. ჩვენი ამოცანაა ყველა ადამიანი შევიდეს თავის ბინაში და იყოს ბედნიერი”,-აღნიშნა რუსუდან კერვალიშვილმა.
შეგახსენებთ, რომ რუსუდან კერვალიშვილს და მაია რჩეულიშვილს ბრალად მენაშენეთა კუთვნილი თანხების, 11 მილიონი ლარის მითვისება ედებათ. ამ დროისთვის კი "ცენტრ პოინტის" დაუსრულებელი შენობების ნაწილის დემონტაჟი განხორციელდა, რამდენიმე ობიექტზე მშენებლობა განახლდა.
