"ქართული ოცნების დეპუტატის რატი იონათამიშვილის განცხადებით, კრიმინალებთან მოლაპარაკების მაგიდასთან არ სხდებიან, ხოლო სააკაშვილი კრიმინალია. ასე გამოეხმაურა დეპუტატი ანდრიუს კუბილიუსის განცხადებას, რომელმაც თქვა, რომ სააკაშვილი და ივანიშვილი უნდა ჩაერთონ მოლაპარაკებებში, ვინაიდან ისინი არიან რეალურად გადაწყვეტილებების მიმღებები.
"კრიმინალებთან ერთად მოლაპარაკების მაგიდასთან არ სხდებიან. სააკაშვილი არის კრიმინალი, რომლის დანაშაულებზეც საუბარია არა მხოლოდ ქართული სასამართლოების კონკრეტულ გადაწყვეტილებებში, არამედ სტრასბურგის სასამართლოს მხრიდანაც. ასე რომ, მე ვფიქრობ ამ კითხვას პასუხი უნდა გასცენ იმ ოპოზიციურმა პარტიებმაც, რომლებიც სიტყვით ხშირად თითქოს ემიჯნებიან ხოლმე სააკაშვილს, მაგრამ საქმით ყოველთვის მის მორჩილებაში არიან", - განაცხადა იონათამიშვილმა.
