მიხეილ სააკაშვილს უნდა მიეცეს საქართველოში დაბრუნების და პოლიტიკურ პროცესებში ლეგალურად ჩართვის შესაძლებლობა, - ამის შესახებ ნუგზარ წიკლაურმა საქართველოს პირველი არხის გადაცემაში "დღის თემა" განაცხადა.
მისი განცხადებით, იმისათვის, რომ ქვეყანაში პოლიტიკური კრიზისი განიმუხტოს, აუცილებელია, ნიკა მელია და გიორგი რურუა საპატიმროდან გათავისუფლდნენ.
„რა თქმა უნდა, ნიკა მელია და გიორგი რურუა უნდა იყვნენ გათავისუფლებულები. მეტსაც გეტყვით, რა თქმა უნდა, მიხეილ სააკაშვილს უნდა მიეცეს საქართველოში დაბრუნებისა და პოლიტიკურ პროცესებში ლეგალურად ჩართვის შესაძლებლობა. ეს ყველაფერი არის გაბედული ნაბიჯები და ჩვენ, ყველამ ერთად ეს ნაბიჯები უნდა გადავდგათ. სანახევრო ნაბიჯებით არაფერი არ გამოვა, არამედ ისევ დარჩება პოლიტიკური კრიზისი“, – განაცხადა ნუგზარ წიკლაურმა.
