მზად ვართ, რიგგარეშე არჩევნები დაინიშნოს, თუ გაყალბდა, აცხადებს „ქართული ოცნების“ პოლიტსაბჭოს წევრი სოზარ სუბარი. მისი თქმით, "ქართული ოცნების” პოლიტიკა მყარი და უცვლელია.
"დღეს არჩევნების გაყალბებაზე აღარ ლაპარაკობენ, რადგან ცხადია, რომ არჩევნები არ გაყალბებულა. ამას აღიარებს ჩვენი ყველა პარტნიორი, სადამკვირვებლო ორგანიზაციები. ამან დაკარგა აზრი და რის საფუძველზე არ შემოდიან პარლამენტში? რაც შეეხება პატიმრებს, ერთი ადამიანია ნიკა მელია, რომლის გათავისუფლება არის ერთი წუთის საქმე და გასაღებია მის ხელში. გადაიხდის გირაოს, გამოვა გარეთ და ეს მთელმა მსოფლიომ იცის“, - განაცხადა სოზარ სუბარმა.
