ლაგოდეხის ნაკრძალში VIII - IX საუკუნეების ისტორიული ტაძარი ინგრევა, რომელიც საქართველო - აზერბაიჯანის საზღვარზე მდებარეობს. როგორც კახეთის საინფორმაციო ცენტრს ლაგოდეხის მხარეთმცოდნეობის მუზეუმის დირექტორმა ბესო კვირიკაშვილმა განუცხადა, ტაძარი კახეთის მეფეთა რეზიდენცია იყო.
„ამჟამად ტაძარი მძიმე მდგომარეობაშია. ჩამონგრეული აქვს კედლები და საჭიროებს რესტავრაციას. შემორჩენილი აქვს ჩრდილოეთის და სამხრეთის კედლები. ტაძარი ოქტომბერში ძეგლთა დაცვის ეროვნული სააგენტოს სპეციალისტებმაც შეისწავლეს. ადგილობრვი გამგეობაც საქმის კურსშია და მომავალ წელს ფინანსურ დახმარებას გვპირდებიან," - აღნიშნა ბესო კვირიკაშვილმა.
მისივე თქმით, ამ დრომდე ტაძრის რესტავრაცია მხოლოდ იმიტომ ვერ მოხერხდა, რომ მისი აღდგენა დიდ თანხასთან არის დაკავშირებული.
