ახლა იქნება ვაქცინის უწყვეტი მოდინება. შეიძლება, სიჭარბე შეიქმნას - განაცხადა ინფექციური პათოლოგიის და შიდსის ცენტრის გენერალურმა დირექტორმა, თენგიზ ცერცვაძემ "რუსთავი 2"-ის ეთერში.
ცერცვაძის განცხადებით, შესაძლოა კიდევ დაიწიოს ასაკმა ან საყოველთაო ვაქცინაცია გამოცხადდეს, რადგან, წინააღმდეგ შემთხვევაში, მოსალოდნელია, ქვეყანაში ვაქცინის სიჭარბე შეიქმნას.
"ახლა იქნება ვაქცინის უწყვეტი მოდინება. ვაქცინის სიჭარბე შეიძლება შეიქმნას, განიხილება, რომ ასაკობრივი ცენზი შეიცვალოს. თავიდან არ იყო გათვლილი, რომ 65 წელს ზემოთ ადამიანები აცრილიყვნენ ექიმებთან ერთად, მაგრამ კარგი გადაწყვეტილება იყო, აბა ხომ არ გავაფუჭებთ ვაქცინას.
შესაძლოა კიდევ დაიწიოს ასაკმა ან სულაც საყოველთაო ვაქცინაცია გამოცხადდეს,"- აღნიშნა თენგიზ ცერცვაძემ.
