ალერგოლოგ-იმუნოლოგ ბიძინა კულუმბეგოვის განცხადებით, ვაქცინაციის დღევანდელი ტემპით სასურველი შედეგის მიღწევა 10 წლის შემდეგ გახდება შესაძლებელი. ამის შესახებ კულუმბეგოვმა ტელეკომპანია "იმედის" ეთერში განაცხადა.
მისი თქმით, მომავალში აუცილებელია ვაქცინაცია არამხოლოდ მრავალპროფილურ კლინიკებში ჩატარდეს.
"გადავწყვიტეთ, რომ მოსახლეობაში ნდობის თვალსაზრისით, პირველ ეტაპზე მხოლოდ მაღალპროფილურ კლინიკებში იყოს ვაქცინაცია, თუმცა შემდეგ გრძელვადიან პერსპექტივაში თუ გვინდა, რომ ვაქცინაციამ გავლენა მოახდინოს და ჩვენი ქვეყანა უკან-უკან არ წავიდეს და არ ჩამოგვეშალოს ქვეყანა, შესაბამისად ჩვენ 300-400 ადამიანის აცრით, ჩვენ სასურველ შედეგს 10 წელიწადში მივაღწევთ, სწორედ ამიტომ ვერ იქნება ვაქცინაცია მხოლოდ მაღალპროფილურ კლინიკებში", - განაცხადა კულუმბეგოვმა.
შეგახსენებთ, 27 წლის ექთნის, მეგი ქავთარაძის გარდაცვალების შემდეგ, ჯანდაცვის სამინისტროს გადაწყვეტილებით, ვაქცინაცია დროებით მხოლოდ მრავალპროფილურ კლინიკებში ჩატარდება.